اسمك على لساني

اسمك على لسانـي!



تبي تعرف مدى شوقي وكيف إني أنا مشتـاق؟
تبي مقياس حبّي لـك وقياسـه ويـن ودانـي؟

"

تعال اجلس هنا جنب الضلوع وراقـب الخفـاق
وشوف اشلون سوّابي غـلاك وكيـف خلانـي

"

سألت القلب جاوبني بزفراتـه مـن الأعمـاق
وحيفه يسمعه كل مـن يمـر صوبـه وعدانـي


"

له اصوات الحزن مغنى يترجمها من الأشـواق
يسيل بكبرياء دمعـه! ولاينقـص بهـا شانـي


"

سألت الروح تواقه بشوفـة مـن لهـا تـواق
تجي بطيوفها حولـك تـداري بـك بجنحانـي

"

تقول إني وهج شوقي مولـع صوبكـ بشفـاق
واحسب إني معك صامد واثاري حبـك اعيانـي


"

سألت دروبنا قالت أبي وصـلٍ بـدون فـراق
أبـد ماينقطـع دربٍ ولابـي غيركـ ثـانـي


"
نبت ودّي على ودّك طريـقٍ صوبكـ ينسـاق
عسى مزون الوصل تثمر لقـا مابيننـا عانـي


"

ولا تسأل عن عيونـي لأنـك داخـل الأحـداق
رسمتك في هدب عيني نقشتك داخـل اجفانـي


"

لَوَ اغمض أَوَ افتح أعانـق صورتـك باشـراق
صبح عمـري مسـا ليلـي تنادينـي بتلقانـي

"

عرفت الحين ياعمري مدى شوقي وكيف اشتاق؟
خلاص ارجوك لاتطول ترى اسمك على لسانـي!






مما رآق لي ,,